Monday, November 12, 2007

അയ്യേ...ഛേ...

ഡൊം‌ളൂരില്‍ കുറച്ചുകൂടി തെളിച്ചുപറഞ്ഞാല്‍ ഡൊം‌ളൂര്‍ ജന്‍ക്ഷനില്‍ ഒരു ഹോട്ടലുണ്ട്. ഒന്നല്ല അവിടെ കുറേയുണ്ട് എന്നാണെങ്കില്‍ അതിലൊരെണ്ണം. പേരോ??!!! പേര് പേരയ്ക്ക. എന്തിനാ വെറുതെ അവരുടെ കച്ചോടം മുട്ടിയ്ക്കുന്നത്.

അവിടെനിന്നും അധികം ദൂരെയല്ല ഞങ്ങള്‍ ഇതിനുമുന്‍പ് താമസിച്ചുകൊണ്ടിരുന്ന സ്ഥലം. ഓഫീസില്‍ പോകുന്നത് നമ്മുടെ കഥാപാത്രമായ റെസ്റ്റോറന്റിനു മുന്‍പില്‍ കൂടെയാണ്.

ഫ്ലൈഓവറിന്റെ പണികാരണം ഒടുക്കത്തെ ട്രാഫിക്കുള്ള റോഡ്. പോരാത്തതിന് ഒന്നിനെയും കൂസാതെ പശുക്കള്‍ നിര്‍ഭയം റോഡിലൂടെ തേരാപ്പാരാ വിഹരിയ്ക്കുന്നു. അതുങ്ങള്‍ക്കൊക്കെ എന്തുമാവാമല്ലോ. ഒരു ഭക്തന്‍ പശുവിന്റെ ലൈവ് മൂത്രം ഉള്ളം കയ്യില്‍ ശേഖരിച്ച് തലയിലൊഴിച്ചു.

റെസ്റ്റോറന്റിനു മുന്‍പില്‍ ഒരു ടെമ്പോയില്‍ നിന്നും മൂന്നു നാല് അണ്ഡാവ് ഇറക്കിവച്ചു. അണ്ഡാവ് എന്നുപറഞ്ഞാല്‍ അറിയില്ലേ...സിലിഡറിക്കല്‍ ഷെയിപ്പിലുള്ള വലിയ പാത്രം. ജോലിക്കാരന്‍ ഒന്നാമത്തെ അണ്ഡാവുമായി അകത്തേയ്ക്കുപോയി. ഒരു പശുവന്ന് രണ്ടാമത്തെ അണ്ഡാവില്‍ തലയിട്ടു. എന്തെങ്കിലും തടഞ്ഞോ ആവോ. വണ്ടിയുടെ ഡ്രൈവര്‍ ഒന്നും അറിയുന്നുണ്ടായിരുന്നില്ല. ജോലിക്കാരന്‍ വന്ന് പശുവിനെ ഓടിച്ചുവിട്ട് രണ്ടാമത്തെ അണ്ഡാവുമായി വീണ്ടും അകത്തേയ്ക്ക് പോയി. മൂന്നാമത്തെ അണ്ഡാവില്‍ എന്തയിരുന്നെന്ന് ഞാന്‍ കണ്ടു. അതില്‍ സാമ്പാറായിരുന്നു. സത്യമായിട്ടും അകത്തേയ്ക്ക് കൊണ്ടുപോയ അണ്ഡാവുകളില്‍ എന്തായിരുന്നെന്ന് എനിയ്ക്കറിയില്ല.

ഞാന്‍ വേഗം ഓഫീസിലേയ്ക്ക് നടന്നും.

അധികം നാള്‍ കഴിയാതെ ഞങ്ങള്‍ സ്വന്തമായി കുക്കിംഗ് ആരംഭിച്ചു.

2 Comments:

Post a Comment

Links to this post:

Create a Link

<< Home

free site statistics