നൂറിന്റെ വ്യത്യാസം

കോളേജില്‍ ആര്‍ട്സ് സ്പോര്‍ട്സ് മത്സരങ്ങള്ള house -ഉകള്‍ പ്രഖ്യാപിച്ചു. ഗ്ലാഡിയേറ്റേര്‍സ്, നൈറ്റ്സ്, ഷോഗണ്‍സ്, ടൈറ്റന്‍സ് ഇവയാണ് ഹൌസുകള്‍. ആദ്യം കായിക മത്സരങ്ങളാണ്. അതുകഴിഞ്ഞാണ് കലാമത്സരങ്ങള്‍. കലാകായികമത്സരങ്ങളെല്ലാം ചേര്‍ന്നാണ് ഒരു ഹൌസ് വിജയിയാവുക.

കായികമത്സരങ്ങള്‍ നടക്കുകയാണ്. ടൈറ്റന്‍സ് പോയിന്റുകള്‍ വാ‍രിക്കൂട്ടുകയാണ്. അതേസമയം ഗ്ലാഡിയേറ്റേര്‍സ് എങ്ങിനെയെങ്കിലും നാലു പോയിന്റ് ഒപ്പിക്കാനുള്ള തത്രപ്പാടിലാ‍ണ്. നമ്പ്യാരോ, ആരോമലോ, ടി.കെ യോ(എല്ലാവരും ഗ്ലാഡിയേറ്റേര്‍സ്) ആരൊ ആ രഹസ്യം മനസ്സിലാക്കി. പെണ്‍കുട്ടികളുടെ ഹൈജമ്പിന് മത്സരിക്കാനാരുമില്ല. എങ്ങനെയുങ്കിലും മൂന്നു പെണ്ണുങ്ങളെ തപ്പിയെടുത്ത് മത്സരിപ്പിച്ചാല്‍ ചുളുവില്‍ മൂന്നു പ്രൈസുകളും ആറു പോയിന്റും ചുളുവില്‍ അടിച്ചുമാറ്റാം.
കോളേജിലായിരുന്ന സുമന്റെ ഫോണില്‍ ഒരു മെസേജ്. എങ്ങനെയെങ്കിലും മൂന്നു പെണ്ണുങ്ങളെയും സംഘടിപ്പിച്ച് യൂണിവേര്‍സിറ്റി ഗ്രൌണ്ടില്‍ എത്തണം.

കഷ്ടപ്പെട്ട് ബുദ്ധിമുട്ടി ചാട്ടക്കാരെയുംകൊണ്ട് ഗൌണ്ടിലെത്തിയപ്പോള്‍ സുമന്‍ കണ്ട കാഴ്ച സുമനെയെന്നപോലെ ഏതൊരു ഗ്ലാഡിയേറ്ററുകാരനെയും കാരിയെയും വേദനിപ്പിക്കുന്നതായിരുന്നു. ടൈറ്റന്‍സിലെ സമീല്‍(ഫൈനല്‍ ഇയര്‍) മൂന്നു പെണ്ണുങ്ങളെയും കൂട്ടി വന്നിരിക്കുന്നു. ഉറപ്പിച്ച സമ്മാനം പോയീന്നറിഞ്ഞ സുമന്‍ സമീലിനോടു കെഞ്ചി.

“സമീലേ, നിങ്ങള്‍ക്കേതായാലും ആവശ്യത്തിനു പോയിന്റുണ്ട്. ഞങ്ങളാണെങ്കില്‍ അക്കൌണ്ട് തുറന്നിട്ടില്ല. ഈ രണ്ടു മൂന്നു പോയിന്റേലും ഞങ്ങള്‍ക്ക് കിട്ടിക്കോട്ടെ”.

സമീലുണ്ടോ വിട്ടുകൊടുക്കുന്നു. “എടീ, ഞങ്ങള്‍ ഇക്കര്യത്തില്‍ തികച്ചും പ്രോഫഷണലാണ്. ഫൈനല്‍ സ്കോര്‍ക്കാര്‍ഡ് ഇടുമ്പോള്‍ ഒരു നൂറുപോയിന്റിന്റെ വ്യത്യാസം ഉണ്ടാവണം. അതാണു ഞങ്ങളുടെ ലക്ഷ്യം. അതില്‍ സെന്റിമെന്‍സിനൊന്നും ഒരു പ്രസക്തിയുമില്ല.” അങ്ങനെ ആ പോയിന്റ്സും ടൈറ്റന്‍സ് സ്വന്തമാക്കി.

Sports കഴിഞ്ഞു, Arts ഉം കഴിഞ്ഞു. final scorcard ഇട്ടു. സമീലിന്റെ നൂറുപോയിന്റിന്റെ ലക്ഷ്യം സാധിച്ചില്ല. എങ്കിലും അവര്‍ അതിന്റെ അടുത്തെത്തി. 97 പോയിന്റ്സിന്റെ വ്യത്യാസം.

നൈറ്റ്സ് - 243
ഷോഗണ്‍സ് - 239
ഗ്ലാഡിയേറ്റേര്‍സ് -227
ടൈറ്റന്‍സ് -146

അറം‌പറ്റുക എന്നു പറഞ്ഞാല്‍ ഇങ്ങനെ വേണം. സത്യം ചെയ്താല്‍ ഒത്തിരിക്കണം.